वर्ड एण्ड लाइफ बाइबल स्कूलमा तपाईलाई स्वागत छ! वर्ड एण्ड लाइफ चर्चद्वारा आयोजित एक महिनाको गहन बाइबलीय तालिमको चौथो संस्करणको घोषणा गर्न पाउँदा हामी ज्यादै हर्षित छौं। वर्ड एण्ड लाइफ बाइबल स्कूलको प्राथमिक उद्देश्यहरू स्थानीय चर्चहरूमा साहयता पुर्याउन र सेवा गर्न सक्ने सेवक-सेविका निर्माण गर्नु, र सुसमाचार प्रचार गर्ने व्यक्तिहरु निर्माण गर्नु हो । यो बाइबल स्कूल हाल चर्चमा सेवा गर्ने व्यक्तिहरूका लागि, छिट्टै पूर्ण-कालीन सेवाकाईमा आउन चाहनेहरूका लागि र पूर्ण-कालीन सेवाकाईमा नभईकन नै परमेश्वरको राज्यको लागि काम गर्न चाहनेहरूका लागि लक्षित गरिएको छ।
वर्ड एण्ड लाइफ बाइबल स्कूलमा राष्ट्रिय र अन्तर्राष्ट्रिय रूपमा सेवा गरिराख्नु भएका पास्टर, प्रचारक र शिक्षकहरूले परमेश्वरको वचनबाट विभिन्न विषयहरुमा गहन रूपमा सिकाउनु हुनेछ । बाइबल स्कूल मे १, २०२३ (बैशाख १८, २०८०) देखि मे ३१, २०२३ (जेठ १७, २०८०) सम्म सूर्यविनायक, भक्तपुर, नेपालमा हुनेछ भने सहभागी हुन इच्छुक व्यक्तिले रु. ५०० दर्ता शुल्क स्वरूप बुझाउनु पर्ने हुन्छ । बाइबल स्कुलको अवधिभरि प्रशिक्षार्थीहरुको लागि निशुल्क खाने र बस्ने व्यवस्था गरिएको छ । बाइबल स्कुलमा सहभागी हुन चाहने सहभागीहरूको उमेर कम्तिमा सत्र (१७) वर्ष भन्दा माथि हुनुपर्नेछ।
हामीसँग ५० देखि ७० जनाको लागि मात्र सिटहरू उपलब्ध भएको कारण आज नै आफ्नो सिट सुरक्षित गर्न कृपया हामीलाई +977 9860678893 वा 01 5092183 मा सम्पर्क गर्नुहोस्। त्यसपछि हामे तपाईलाई बाइबल स्कूलको तालिका, पाठ्यक्रम, र हाम्रा आदरणीय प्रशिक्षकहरूको बारेमा थप जानकारी सहित अरु विवरणहरू प्रदान गर्नेछौँ ।
हामी विश्वास गर्छौं कि यस बाइबल स्कूल मार्फत, तपाईंले आफ्नो विश्वास बढाउन, आफ्नो सेवकाई कौशल विकास गर्न, र परमेश्वरको अझ प्रभावकारी सेवक बन्न सक्षम हुनुहुनेछ। यस अमुल्य अवसरलाई नगुमाउनुहोस्!
