वर्ड एण्ड लाइफ बाइबल स्कुलको पाँचौँ ब्याच सफलतापुर्वक सम्पन्न

आज तपाईको लागि हामीसँग विशेष सुचना रहेको छ । वर्ड एण्ड लाइफ बाइबल स्कुलको पाँचौं संस्करण नेपालस्थित भक्तपुरमा सम्पन्न भएको छ । २०२४ को मे महिनाभरि संचालन भएको बाइबल स्कुलमा यस पटक नेपालका विभिन्न ठाउँबाट सहभागी हुनुभएका ५६ जना विद्यार्थीहरु दिक्षान्तित हुनुभएको छ । उक्त बाइबल स्कुलमा विभिन्न देशमा रहेर प्रभावकारी रूपमा प्रभु येशूको सेवा गरिराख्नुभएका पास्टर, अगुवा तथा बाइबल शिक्षकहरुले परमेश्वरको वचनबाट प्रभावकारी रूपमा सिकाउनुभएको थियो ।

वर्ड एण्ड लाइफ बाइबल स्कुलको शुरुवात देखिको दर्शन भनेको सुसमाचारको निम्ति र स्थानीय मण्डलीमा साहयताको निम्ति अगुवाहरु निर्माण गर्नु रहेको थियो । सोहि अनुरुप यस वर्ष पनि वर्ड एण्ड लाइफ चर्चको आयोजनामा नेपालस्थित भक्तपुरमा उक्त बाइबल स्कुल संचालन भएको थियो । हामी प्रार्थना र विश्वास गर्दछौँ कि यसको प्रतिफल स्थानीय मण्डलीको आत्मिक वृद्धि र परमेश्वरको राज्यको विस्तारमा प्रकट हुनेछ।

बाइबल स्कुलको निम्ति अहोरात्र खट्नुहुने सम्पूर्ण व्यवस्थापन समुह, शिक्षकहरु, आफ्नो चर्चका सदस्यहरुलाई परमेश्वरको सेवाको निम्ति उत्साह दिएर हामीसमक्ष पठाइदिनुहुने पास्टर-अगुवाजन, वर्ड एण्ड लाइफ चर्च परिवार तथा हामीलाई प्रार्थना, भौतिक/आर्थिक साहयता र हौसलाद्वारा योगदान पुर्याउनुहुने सबैजना प्रति हामी अत्यन्तै आभारी छौँ ।

परमेश्वरको कामको निम्ति यहाँहरुको योगदान व्यर्थ हुनेछैन । यसले अनन्तको राज्यको निम्ति प्रशस्त फसलको कटनी हुनेछ भन्ने कुरामा हामी वर्ड एण्ड लाइफ चर्च परिवार विश्वस्त छौँ ।

वर्ड एण्ड लाइफ बाइबल स्कुलमा विभिन्न अवसरहरुमा र दिक्षान्त समारोहमा कैद गरिएका केहि भिडियोहरु समावेश गरेर हामीले एउटा दृश्य सामग्री तयार पारेका छौँ । हामी आशा गर्छौं, उक्त सामग्रीबाट तपाई आशिषित हुनुहुनेछ ।